- Error
Every person, be it an acquaintance or a stranger, , a friend or a relative, once shall need advice in any sphere for his/her future activities. The advice he/she may receive may be very lavish, adequate, or just vise-versa – wrongful for the given situation. Be aware of your rights and protect them!
Sincerely Yours Advocate Vahe Hovhannisyan |
ՕԳՏԱԿԱՐ ՆՅՈւԹԵՐ
15.07.2017թ.
Ի՞նչ վարչական պատասխանատվություն է նախատեսված տրանսպորտային միջոցների վարորդների կողմից լուսացույցի կամ կարգավորողի արգելող ազդանշանին չենթարկվելու դեպքում
Պարզաբանում.
«Վարչական իրավախախտումների վերաբերյալ» ՀՀ օրենսգրքի 124.3-րդհոդվածի ստորև ներկայացված մասերով նախատեսված պահանջների համաձայն, սահմանվել է հետևյալը.
Տրանսպորտային միջոցների վարորդների կողմից լուսացույցի կամ կարգավորողի արգելող ազդանշանին չենթարկվելը` առաջացնում է տուգանքի նշանակում` սահմանված նվազագույն աշխատավարձի քսանապատիկի չափով` 20.000 ՀՀ դրամ (հոդվածի 1-ին մաս):
Տրանսպորտային միջոցների վարորդների կողմից լուսացույցի կամ կարգավորողի արգելող ազդանշանին չենթարկվելը, եթե դա կատարվել է լուսացույցի կամ կարգավորողի արգելող ազդանշանին ենթարկված տրանսպորտային միջոցներից առաջ անցնելով` առաջացնում է տուգանքի նշանակում` սահմանված նվազագույն աշխատավարձի հիսնապատիկի չափով` 50 000 ՀՀ դրամ (հոդվածի 2-րդ մաս):
ԻՐԱԴԱՐՁՈւԹՅՈւՆՆԵՐ
ՀԱՅՏԱՐԱՐՈւԹՅՈւՆ
ԱՆՎՃԱՐ ԽՈՐՀՐԴԱՏՎՈւԹՅՈւՆ՝ ՔԱՂԱՔԱՑԻՆԵՐԻ ՀԱՄԱՐ
Հարգելի քաղաքացիներ.
Իրավաբանական հարցերի վերաբերյալ պարզաբանումներ, ինչպես նաև իրավաբանական խորհրդատվություն ստանալու համար, այսուհետ Դուք կարող եք յուրաքանչյուր երկուշաբթի և հինգշաբթի օրերին՝ ժամը 11:00-ից մինչև 13:00-ն, զանգահարել՝ 091 51-69-31, 095 81-85-00 հեռախոսահամարներին և ստանալ Ձեզ հուզող իրավաբանական հարցերի վերաբերյալ պարզաբանումներ և խորհրդատվություն։
Քաղաքացիներին անվճար իրավաբանական խորհրդատվության տրամադրումը կկրի շարունակական բնույթ, որի ընթացքում քաղաքացիներին հնարավորութուն կտրվի իրենց հուզող իրավաբանական հարցերի վերաբերյալ ստանալ պարզաբանումներ և իրավաբանական խորհրդատվություն։
24.12.2016թ.
Մի՞ թե փաստաբանի հարցումներին պատասխանելու համար պաշտոնատար անձանց տրված է կամայական մոտեցում ցուցաբերելու իրավասություն...
Քաղաքացուն իրավաբանական օգնություն և փաստաբանական ծառայություններ տրամադրելու հիմքով, 21.11.2016թ.-ին փաստաբանական հարցումներ էր ներկայացվել Երևանի քաղաքապետին, ինչպես նաև Երևան համայնքի Արաբկիր վարչական շրջանի ղեկավարին՝ Երևան համայնքին սեփականության իրավունքով պատկանող բնակարանում քաղաքացիների կողմից մշտապես և փաստացի չբնակվելու հիմքով, այդ բնակարանը վերջիններիս սեփականության իրավունքով անհատույց փոխանցելու գործընթացին մասնակցելու հնարավորության վերաբերյալ համապատասխան պատասխան/պարզաբանումներ ստանալու խնդրանքով։ Ինչից ելնելով, յուրաքանչյուր փաստաբանական հարցմամբ ներկայացվել էր չորս կետեր (հարցեր և ենթահարցեր), ինչպես նաև հարցումներով ներկայացվել էր խնդրանք՝ նշելու այն բոլոր իրավական նորմերը, որոնց համաձայն իրականացվում են Երևան համայնքին սեփականության իրավունքով պատկանող բնակարանները քաղաքացիներին սեփականության իրավունքով անհատույց փոխանցումը/օտարումը՝ այդ բնակարաններում հաշվառված և մշտապես (փաստացի) բնակվելու հիմքով։
Մինչդեռ, ի զարմանս ինձ, Երևանի քաղաքապետին հասցեագրված փաստաբանական հարցմանը, քաղաքապետարանի համապատասխան պաշտոնատար անձի կողմից, իմ խորին համոզմամբ ցուցաբերելով կամայականություն, տրամադրվել է գրություն պատասխան, որը, սակայն որևէ կերպ չի կարելի անվանվել պատասխան, քանի որ դրանով պարզապես մեջբերվել է ոլորտը կարգավորող որոշման մասին, նշելով, որ այն հրապարակվել է Երևանի իրավական ակտերի տեղեկագրում և տեղադրվել «Առլիս» իրավական տեղեկատվական համակարգում՝ առանց փաստաբանական հարցումով ներկայացված չորս կետերին (հարցերին և ենթահարցերին) որևէ անդրադարձ կատարելու՝ չտրամադրելով որևէ սպառիչ, վերաբերելի և հստակ պատասխաններ։ Արդյունքում առաջացնելով անորոշություն։
“Ո՞ՐՆ է ՓԱՍՏԱԲԱՆՈՒԹՅԱՆ ԴԵՐԸ ՊԵՏՈՒԹՅԱՆ ԵՎ ՀԱՍԱՐԱԿՈՒԹՅԱՆ ՄԵՋ” հեղինակային վերլուծություն
Հարգելի կայքի այցելու, սիրով տեղեկացնում եմ Ձեզ, որ իմ կողմից հրատարակվել է “Ո՞ՐՆ է ՓԱՍՏԱԲԱՆՈՒԹՅԱՆ ԴԵՐԸ ՊԵՏՈՒԹՅԱՆ ԵՎ ՀԱՍԱՐԱԿՈՒԹՅԱՆ ՄԵՋ” հեղինակային վերլուծությունը: Վերլուծությամբ փորձ է արվել չծանրաբեռնելով ընթերցողին, ներկայացնել պետության և հասարակության մեջ փաստաբանության դերակատարության մասին հեղինակի տեսակետը և մտքերը, ինչպես նաև դրա կարևորությունը:
Հրատարակված հեղինակային վերլուծությունը հանդիսանում է այն փոքր մասը հիմնական աշխատության, որը հրատարակվելու է հետագայում` լրացնելով և զարգացնելով ներկայացված տեսակետը և մտքերը, ինչպես նաև ներառելով այն անձանց մասնագիտական տեսակետները, ովքեր հետաքրքրված են նշված թեմայով և դրա կարևորությամբ, իսկ վերլուծության վերնագիրը ներկայացվել է հարցականով, որպեսզի յուրաքանչյուր ընթերցող, ընթերցելով վերլուծությունը, փորձի նաև ինքն իրեն պատասխանել ներկայացված հարցին:
Վերլուծությունը վաճառքի ենթակա չէ և տրամադրվում է յուրաքանչյուր շահագրգիռ անձին, ով հետաքրքրված է պետության և հասարակության մեջ փաստաբանության դերակատարությամբ և դրա կարևորությամբ:
“Ո՞ՐՆ է ՓԱՍՏԱԲԱՆՈՒԹՅԱՆ ԴԵՐԸ ՊԵՏՈՒԹՅԱՆ ԵՎ ՀԱՍԱՐԱԿՈՒԹՅԱՆ ՄԵՋ” հեղինակային վերլուծությունը կարող եք նաև ընթերցել սույն կայքում` այն բեռնելու միջոցով:
ՀՐԱՊԱՐԱԿՈւՄՆԵՐ ԵՎ ՄԱՄՈւԼԻ ԱՆԴՐԱԴԱՐՁ
29.03.2015թ.
iravaban.net կայքին փաստաբան Վահե Հովհաննիսյանի կողմից 28.03.2015 թվականին տրված հարցազրույց
Ի՞նչ է հարկավոր անմեղության կանխավարկածը չխախտելու համար
«Անմեղության կանխավարկածը կարող է ոտնահարվել յուրաքանչյուրի կողմից, ով անտեսում է դատական համակարգի կողմից կայացվելիք դատավճռի առկայությունը և նախքան դատավճիռը հայտարարում է, որ ինչ-որ արարքում անձը մեղավոր է, քանի որ այս դեպքում տեղի է ունենում անմեղության կանխավարկածի խախտում»,- այս մասին ասաց իրավաբան Վահե Հովհաննիսյանը: Մեզ հետ զրույցում նա հայտնեց, որ քանի դեռ չկա օրինական ուժի մեջ մտած դատավճիռ և դրանով ապացուցված չէ մեղքը կոնկրետ հանցագործության կատարման մեջ, հետևաբար չի կարելի ասել, որ անձը մեղավոր է:
Պարոն Հովհաննիսյանի համոզմամբ, եթե անմեղության կանխավարկածը խախտվում է կենցաղային խոսակցությունից ելնելով կամ ինչ-որ օրինակ բերելով՝ ապա դա կարելի է համարել պարզապես զրույց, իսկ եթե դա արվում է ինչ-որ պաշտոնական անձի կողմից, ապա դրան կարելի է այլ կերպ վերաբերվել և իրավաբանորեն համապատասխան որակավորում տալ: ...
iravaban.net/81908.html
Հարգելի կայքի այցելու, այսուհետ Դուք կարող եք նաև facebook-ի VaheHovhannisyan.am էջին միանալու միջոցով հետևել www.vahehovhannisyan.am կայքում պարբերաբար թարմացվող տեղեկություններին, որի օգնությամբ Դուք կարող եք տեղեկանալ Ձեր իրավունքների և փաստաբան Վահե Հովհաննիսյանի փաստաբանական գործունեության մասին:
http://www.facebook.com/VaheHovhannisyanam