20.03.2009թ.

 ՀԱՅԱՍՏԱՆԻ
 ՀԱՆՐԱՊԵՏՈՒԹՅԱՆ
 ՓԱՍՏԱԲԱՆՆԵՐԻ ՊԱԼԱՏ
 ՊԱՇՏՈՆԱԿԱՆ ՎԵԲ ԿԱՅՔ

ՍԴ որոշման մասին

Սարգիս Ղանթարջյանը, ով զբաղեցրել է Երևանի Պետական Համալսարանի տնտեսագիտության ֆակուլտետի «Կառավարման և գործարարության» ամբիոնի վարիչի պաշտոնը դիմել է «Լեվ Գրուպ իրավատնտեսական միավորում» ՓԲԸ իրավաբանական գրասենյակ` խախտված իրավունքների վերականգնման խնդրանքով: 26.09.2008թ-ին վերջինիս հետ կնքվել է ծառայությունների մատուցման պայմանագիր, որի հիմքով Կենտրոն և Նորք-Մարաշ համայնքների ընդհանուր իրավասության դատարան ընդդեմ «Երևանի պետական համալսարան» ՊՈԱԿ-ի ներկայացվել է աշխատանքային պայմանագիրը լուծելու մասին հրամանը վերացնելու, աշխատանքում վերականգնելու և հարկադիր պարապուրդի ողջ ժամանակահատվածի համար վնասի հատուցման վճարելու մասին պահանջով հայցադիմում: Սարգիս Ղանթարջյանի իրավունքները և օրինական շահերը ներկայացվել է փաստաբաններ Լևոն Բաղդասարյանի և Վահե Հովհաննիսյանի կողմից: 05.12.2008թ. Կենտրոն և Նորք-Մարաշ համայքների ընդհանուր իրավասության դատարանի (նախագահող դատավոր` Գ. Կարախանյան) որոշմամբ գործի վարույթը կասեցվել է և գործն ուղարկվել է ՀՀ Սահմանադրական դատարան: 24.02.2009 թվականին ՀՀ Սահմանադրական դատարանը կայացրել է ՍԴՈ-792 որոշումը. «1. Հայաստանի Հանրապետության Աշխատանքային օրենսգրքի 113 հոդվածի 1-ին մասի 9-րդ կետը` այնքանով, որքանով չի երաշխավորում հավասար և ոչ խտրական իրավապայմանագրային հարաբերություններ աշխատողի և գործատուի միջև, ճանաչել Հայաստանի Հանրապետության Սահմանադրության 14.1 և 32 հոդվածներին հակասող և անվավեր: 2. Հայաստանի Հանրապետության աշխատանքային օրենսգրիքի 114 հոդվածի 4-րդ մասի 5-րդ կետը` «բացառությամբ այն դեպքերի, երբ աշխատողը ձեռք է բերել ծերության կենսաթոշակ ստանալու իրավունք կամ ստանում է կենսաթոշակը» բառակապակցությունների մասով ճանաչել Հայաստանի Հանրապետության Սահմանադրության 14.1 և 32 հոդվածներին հակասող և անվավեր: 3. Հայաստանի Հանրապետության Սահմանադրության 102 հոդվածի երկրորդ մասի համաձայն սույն որոշումը վերջնական է և ուժի մեջ է մտնում հրապարակման պահից»:

Կարդացեք նաև

ԴԱՍԱԽՈՍԸ` ԸՆԴԴԵՄ ՀԱՄԱԼՍԱՐԱՆԻ-2