- Սխալ
Page 35 of 39
06.08.2012թ. Ո՞րն է համարվում տիրազուրկ գույք և ինչ կերպ է այդ գույքի նկատմամբ սեփականության իրավունք ձեռք բերվում Ըստ ՀՀ Քաղաքացիական օրենսգրքի 178-րդ հոդվածի պահանջի, տրվել է տիրազուրկ գույքի հասկացությունը և նշվել է, թե ինչ կարգով է հնարավոր այդ գույքի նկատմամբ սեփականության իրավունքը ձեռք բերել. Այսպես. Նշված հոդվածի 1-ին կետով սահմանվել է, որ տիրազուրկ է համարվում այն գույքը, որը չունի սեփականատեր, կամ որի սեփականատերն անհայտ է կամ հրաժարվել է դրա նկատմամբ սեփականության իրավունքից: Իսկ տիրազուրկ գույքի նկատմամբ սեփականության իրավունքը ձեռք է բերվում նույն հոդվածի ստորև մեջբերված կետերի պահանջների համաձայն: Այսպես. Համաձայն 2-րդ կետի` տիրազուրկ շարժական գույքի նկատմամբ սեփականության իրավունքը կարող է ձեռք բերվել վերևում հիշատակված օրենսգրքի 179-186 հոդվածների կանոններով: Համաձայն 3-րդ կետի` տիրազուրկ անշարժ գույքի նկատմամբ սեփականության իրավունքը կարող է ձեռք բերվել ձեռքբերման վաղեմության ուժով (հոդված 187): Նույն կետով սահմանվել է նաև, որ սույն նորմը չի կիրառվում ինքնակամ կառույց հանդիսացող անշարժ գույքի նկատմամբ: Նշված հոդվածի 4-րդ կետով էլ սահմանվել է, որ տիրազուրկ գույքի նկատմամբ սեփականության իրավունքը ճանաչելու հիմքերն ու կարգը սահմանվում են Հայաստանի Հանրապետության քաղաքացիական դատավարության օրենսգրքով: Կարդացեք նաև Ո՞ՐՈՆՔ ԵՆ ՍԵՓԱԿԱՆՈւԹՅԱՆ ԻՐԱՎՈւՆՔԻ ՁԵՌՔ ԲԵՐՄԱՆ ՀԻՄՔԵՐԸ Ո՞ՒՄ ԿՈՂՄԻՑ Է ԻՐԱԿԱՆԱՑՎՈՒՄ ԳՈՒՅՔԻ ՊԱՀՊԱՆՄԱՆ ՀՈԳՍԸ Ո՞ՐՆ Է ՍԵՓԱԿԱՆՈՒԹՅԱՆ ԻՐԱՎՈՒՆՔԻ ՀԱՍԿԱՑՈՒԹՅՈՒՆԸ ԵՎ ԲՈՎԱՆԴԱԿՈՒԹՅՈՒՆԸ Ո՞ՐՆ է ՓԱՍՏԱԲԱՆՈՒԹՅԱՆ ԴԵՐԸ ՊԵՏՈՒԹՅԱՆ ԵՎ ՀԱՍԱՐԱԿՈՒԹՅԱՆ ՄԵՋ
|