01.09.2014թ.

Ի՞նչ կարգով է ընդունվում ժառանգությունը

Պարզաբանում.

Համաձայն Հայաստանի Հանրապետության Քաղաքացիական օրենսգրքի 1225-րդ հոդվածի ստորև ներկայացված կետերի, սահմանվել է հետևյալը:

Ժառանգությունը ձեռք բերելու համար ժառանգը պետք է այն ընդունի (հոդվածի 1-ին կետ): Ժառանգությունը պայմանով կամ վերապահումներով ընդունել չի թույլատրվում (հոդվածի 2-րդ կետ): Ժառանգի կողմից ժառանգության մի մասի ընդունումը նշանակում է իրեն հասանելիք ամբողջ ժառանգության ընդունում, անկախ այն բանից, թե ինչ է այն իրենից ներկայացնում և որտեղ է գտնվում (հոդվածի 3-րդ կետ): Ժառանգության ընդունումը մեկ կամ մի քանի ժառանգների կողմից չի նշանակում դրա ընդունում մնացած ժառանգների կողմից (հոդվածի 4-րդ կետ): Ընդունված ժառանգությունը ժառանգության բացման ժամանակից համարվում է ժառանգին պատկանող, անկախ այդ գույքի նկատմամբ ժառանգի իրավունքի պետական գրանցումից, եթե նման իրավունքը ենթակա է գրանցման (հոդվածի 5-րդ կետ): Ժառանգի կողմից ժառանգությունը չընդունելը հանգեցնում է նույն հետևանքներին, ինչը ժառանգությունից հրաժարվելն առանց այն անձին նշելու, հօգուտ որի նա հրաժարվել է ժառանգությունից, եթե այլ բան սահմանված չէ սույն օրենսգրքով (հոդվածի 6-րդ կետ): Եթե ժառանգն օրենքով սահմանված կարգով սնանկ է ճանաչվել, ապա նրա կողմից ժառանգությունը չընդունելը չի համարվում ժառանգությունից հրաժարում (հոդվածի 7-րդ կետ):

Կարդացեք նաև

Ո՞րն է քաղաքացիական գործ հարուցելու հիմքը

Ի՞նչ կարգով է իրականացվում ամուսնալուծությունը

Ի ՞նչ է նշանակում աշխատանքային հարաբերություններ

Որո՞նք են ամուսնության դադարման հիմքերը

Ի ՞նչ իրավունք ունի ամուսինը, երբ մյուս ամուսինը թաքցրել է ամուսնության պետական գրանցման պահին իր մոտ սեռավարակի, ինչպես նաև հոգեկան հիվանդության և թմրամոլության, թունամոլության առկայության մասին

Որո՞նք են ամուսնության կնքման համար արգելք հանդիսացող հանգամանքները

Ի՞նչ կարգով է կնքվում ամուսնությունը

Ո՞ր դեպքերում կարող է գույքը համարվել ամուսինների ընդհանուր սեփականությունը և ո՞ր դեպքում ամուսիններից մեկի գույքի վրա կարող է բռնագանձում տարածվել

Ի՞նչ կարգով է բաժնային սեփականության ներքո գտնվող գույքը բաժանվում և դրանից բաժին առանձնացվում

Ի՞նչ է գնելու նախապատվության իրավունքը